Dekho Taara Toot Raha Hai

         A Poem that brings out the continuity of life












Dekho taara toot raha hai,
Nabh se uska pyaara choot raha hai.
Kya nabh rota sa dikhta hai,
Kya koi taara bujha bujha sa lagta hai?
Phir tum kyu rote ho,
Dukh ke kshano me apna sanyam kyu khote ho?

Jeevan apni gati se chalta hai,
Samay har pal hi badalta hai.
Jo chala gaya use jana tha,
Khushi ka kshan uska tumhare jeevan me aana tha.
Un khushi ke palo ko sanjo lo,
Jeevan jis kshan tak hai jee lo.

Jeevan me naye taare aayenge,
Jevan ke shunya ko bhar jaayenge.
tabhi ambar har taare ke tootne par mook raha hai,
Dekho taara toot raha hai.
Dekho taara toot raha hai.
                 

For those who think the title resembles Harivansha Rai Bachchan's Poem 'Dekho Toot Raha Hai Tara' here is a link to confirm http://www.geeta-kavita.com/hindi_sahitya.asp?id=425 .